Ցանկացած հարց, որը կարող է հակասել Ռուսաստանի, Հայաստանի, Ադրբեջանի առաջնորդների պայմանավորվածություններին, իհարկե, չեն կարող ընդունվել որպես այլընտրանք նրան, ինչի մասին պայմանավորվել են: Այս մասին այսօր Երեւանում ՀՀ ԱԳՆ ղեկավար Արա Այվազյանի հետ համատեղ ասուլիսի ժամանակ ասաց ՌԴ ԱԳՆ ղեկավար Սերգեյ Լավրովը՝ պատասխանելով Հայաստանի նկատմամբ Ադրբեջանի տարածքային պահանջների մասին հարցին:
«Մենք այսօր մեր բանակցությունները նվիրել ենք բացառապես տնտեսական կապերի ապաարգելափակման հարցով եռակողմ համագործակցության հարցերին: Դա միայն թեմաներից մեկն է: Մենք այսօր խոսել ենք հետկոնֆլիկտային շրջանում խնդիրների լուծման մասին, այդ թվում՝ ռազմական, ռազմաքաղաքական, հումանիտար խնդիրների մասին եւ այլն: Ինչ վերաբերում է փոխվարչապետերի մակարդակով եռակողմ փոխգործակցությանը, ապա այդ մեխանիզմը ստեղծվել է հունվարի 11-ին Մոսկվայում ՌԴ, Ադրբեջանի եւ ՀՀ առաջնորդների բանակցությունների արդյունքներով: Ցանկացած հարց, որը կարող է հակասել Ռուսաստանի, Հայաստանի, Ադրբեջանի առաջնորդների պայմանավորվածություններին, իհարկե, չեն կարող ընդունվել որպես այլընտրանք նրան, ինչի մասին պայմանավորվել են»,-ասաց Լավրովը: