Agent Green ռումինական բնապահպանական խումբն ու GT ավստրիական խումբը մեղադրել են Լիխտենշետյնի արքայազն Էմանուել ֆոն ունդ Ցու-ին Ռումինիայի ամենամեծ արջի որսի մեջ, որը, հավանաբար, եղել է ամենամեծը նաեւ Եվրոպայում, հաղորդում է ՌԻԱ Նովոստի-ն:
Agent Green-ի տվյալներով՝ արքայազնը ստացել է Ռումինիայի շրջակա միջավայրի նախարարությունից թույլտվություն էգ արջի որսի համար, որը վնաս էր հասցրել Օյդուլա բնակավայրի ֆերմերներին:
«Սակայն արքայազնը սպանել է ոչ թե էգ արջին, այր արու կենդանուն, որը բնակվում էր անտառի խորքում եւ չէր մոտեցել տեղաբնակներին»,-ասվում է Agent Green-ի մամուլի հաղորդագրության մեջ: Նշվում է, որ Արտուր մականվամբ արջը սպանվել է մարտին Կարպատներում պահպանվող արգելոցում:
«Արտուրը 17 տարեկան էր, եւ կենդանին Ռումինիայի ամենամեծ արջն է, ու, հավանաբար, ամենամեծն էր նաեւ ամբողջ Եվրոմիությունում... Ըստ էության, արքայազնը ժամանել էր ոչ թե տեղի բնակիչների խնդիրը լուծելու, այլ արջին սպանելու եւ ամենամեծ տեսակը տուն տանելու համար, որպեսզի պատին կախի»,-հայտարարել է Agent Green-ի ղեկավար Գաբրիել Փաունը:
Գորշ արջերը պահպանվող տեսակ են՝ համաձայն ռումինական օրենսդրության, եւ Ռումինիան արգելել է դրանց որսը 2016 թվականին: Սակայն կառավարությունը բացառություն է անում եւ թույլատրում կրակել դրանց ուղղությամբ, եթե կենդանիները սպառնում են բնակչությանը կամ լուրջ վնաս հասցնում: