ԱԺ արտահերթ ընտրություններին միասնական դաշինքով մասնակցելու մասին հայտարարած ՀՅԴ, «Վերածնվող Հայաստան» կուսակցությունները, որոնց նախընտրական ցուցակը գլխավորելու է Արցախի առաջին նախագահ, ՀՀ երկրորդ նախագահ Ռոբերտ Քոչարյանը մայիսի 9–ին, ժամը 16։00–ին հրավիրում են Ազատության հրապարակ՝ իրենց առաջին հանրահավաքին։
Դաշինքը այսօր՝ մայիսի 6–ին, հանրահավաքի մասին ազդարարող երկու տեսահոլովակ է տարածել։ Ազատության հրապարակում ելույթ կունենա Ռոբերտ Քոչարյանը։
Նշենք, որ դաշինքով արտահերթին մասնակցելու մասին ուժերը հայտարարել են այսօր։
«Հաշվի առնելով Հայաստանում եւ Արցախում ստեղծված օրհասական վիճակը, ելնելով գաղափարակից եւ համախոհ քաղաքական ուժերի հետ միասնաբար հանդես գալու անհրաժեշտությունից՝ «Վերածնվող Հայաստան» կուսակցությունը որոշում է կայացրել հնարավոր արտահերթ խորհրդարանական ընտրություններին մասնակցել Հայ հեղափոխական դանակցության հետ նախընտրական դաշինքով, որը կգլխավորի Հայաստանի Հանրապետության երկրորդ նախագահ Ռոբերտ Քոչարյանը»,– ասվում է հայտարարության մեջ։