Ըստ «օդում կախված լուրերի»՝ ընտրությունների նախաշեմին Հայաստանի ռազմական ոստիկանությունը փորձում է ճնշում գործադրել պատերազմի մասնակիցների վրա՝ սպառնալով քրեական գործեր հարուցել: Այս մասին մայիսի 8-ին լրագրողների հետ հանդիպման ժամանակ ասաց Հայաստանի քննչական կոմիտեի վերահսկողության գլխավոր վարչության նախկին պետ, արդարադատության գեներալ-մայոր Թաթուլ Պետրոսյանը:
«Կրկին, ըստ «օդում կախված լուրերի», քրեական ոստիկանության պետը եւ գերատեսչության աշխատակիցները մարզերում «աշխատանքներ են տանում» համայնքների ղեկավարների հետ»,- ասաց նա:
Իրավապահներին կոչ անելով չծառայել դավաճանական իշխանություններին՝գեներալը կարծիք հայտնեց, որ իշխանություններն արդեն սպառնալիքների եւ կեղծարարության են անցել:
«Ըստ որոշ տեղեկությունների՝ մի շարք պատգամավորներ ասում են.«Իսկ ի՞նչ է լինելու մեզ. չէ որ կա Մուկուչյանը (ՀՀ կենտրոնական ընտրական հանձնաժողովի նախագահ Տիգրան Մուկուչյան - խմբ.): Բայց եթե նա փորձի գնալ կեղծիքների ճանապարհով, ապա պետք է իմանա, որ խստորեն կպատժվի», - հավելեց Պետրոսյանը:
Ակնկալվում է, որ Հայաստանում արտահերթ խորհրդարանական ընտրությունները տեղի կունենան հունիսի 20-ին: