Չինաստանի ինտերնետային տեղեկատվության պետական գրասենյակը (CAC) նախաձեռնել է արշավ՝ ուղղված համացանցում կեղծիքների եւ բռնությունների հետ կապված խնդիրների լուծմանը, գրում է «Սենհուա» գործակալությունը:
Հատուկ արշավը նպատակ ունի պայքարել այնպիսի երեւույթների դեմ, ինչպիսիք են ալգորիթմների չարաշահումը, ֆեյքային հաշիվները եւ կեղծ ինտերնետային թրաֆիքը: Նման դրսեւորումները նպաստում են առեւտրի, մշակույթի եւ զվարճանքի ոլորտներում անօրինական գործողություններին:
Հաշվի առնելով կիբեռտարածքի անվտանգության ապահովումը, հատկապես՝ համացանցի անչափահաս օգտվողների համար, պայքար կմղվի «գռեհիկ, պոռնոգրաֆիկ եւ սենսացիոն բովանդակության դեմ»»,- նշվում է CAC-ի հաղորդագրության մեջ: