Ընդամենը մայիսի 6-ին գրանցված «Սպուտնիկ լայթ» դեղամիջոցի նկատմամբ մի շարք երկրներ մեծ հետաքրքրություն են ցուցաբերել: Այդ մասին հայտարարել է Ռուսաստանի առողջապահության նախարար Միխայիլ Մուրաշկոն: Նա նշել է, որ դա մեկ բաղադրիչ ունեցող դեղամիջոց է, որի արդյունավետությունը կազմում է 79,4 տոկոս, գրում է Կոմերսանտ-ը:

«Այն վերջերս է գրանցվել: Այո, հետաքրքրությունը մեծ է»,-հայտարարել է Մուրաշկոն՝ մեկնաբանելով հարցը՝ արդյո՞ք կան հայտադիմումներ նոր պատվաստանյութի մատակարարման մասին ուրիշ երկրներից:

«Սպուտնիկ լայթը» կորոնավիրուսի դեմ Ռուսաստանում գրանցված չորրորդ պատվաստանյութն է: Անցած տարի օգոստոսին գրանցվել էր դրա հիմնական տարբերակը՝ երկու բաղադրիչ ունեցող «Սպուտնիկ V» դեղամիջոցը:

Բացի դրանք Ռուսաստանում հաստատվել են նաեւ «Վեկտոր» եւ «Կովիվակ» դեղամիջոցները: Փոխվարչապետ Տատյանա Գոլիկովայի խոսքով՝ «Սպուտնիկ Լայթը» կկիրառվի 18-60 տարեկան մարդկանց շրջանում: Արտերկում ներարկման արժեքը, ինչպես ակնկալվում է, չի գերազանցի 10 դոլարը: