Հայաստանի ներկայիս իշխանությունները եկել են հստակ կարգախոսերով, սակայն ոչինչ չեն իրականացրել՝ գրանցելով զրոյական արդյունք: Այդ մասին հունիսի 13-ին Տավուշի մարզի Նոյեմբերյան քաղաքում նախընտրական քարոզարշավի հանրահավաքի ընթացքում հայտարարել է երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը:
Նա նշել է, որ իշխանություններին ոչինչ չի մնում, բացի մեղքն ուրիշներին վերագրելու, իսկ այդ գործում նրանք վարպետ են: «Այս իշխանությունների ներկայացուցիչները, իրենցից փորձագետներ ձեւացնելով բոլոր ոլորտներում, քայքայել են դրանք՝ բանակը, գյուղատնտեսությունը, տնտեսությունը: Սովորաբար իշխանությունները քարոզարշավի ժամանակ շրջում են բնակավայրերն ու ներկայացնում հաշվետնություն կատարված աշխատանքի մասին՝ պարզաբանելով անհաջողությունների պատճառները:
Սակայն դա տեղի չի ունենում: Մենք համոզված ենք, որ այս իշխանություններն արդեն չկան, կա նրանց ստվերը, որը հերթական անգամ մանիպուլացնում է մարդկանց գիտակցությամբ՝ ձգտելով մնալ պետության ղեկին: Կոչ եմ անում մերժել այս իշխանություններին եւ քվեարկել թիմի օգտին, որն ունակ է հաղթահարել ներկայիս ճգնաժամը, չեմպիոնների թիմի օգտին»,-հավելել է Քոչարյանը:
