Իշխանություններն իրենց համամասնական ցուցակում ներառել են ընկերության տնօրենի, որը կասկածում էին կոռուպցիայի մեջ եւ կապում էին ինձ հետ: Այս մասին հունիսի 15-ին Արարատի մարզի Մասիս քաղաքում նախընտրական քարոզարշավի ընթացքում հայտարարեց երկրորդ նախագահ, «Հայաստան» դաշինքից վարչապետի թեկնածու Ռոբերտ Քոչարյանը:

Նա պարզաբանեց որ խոսքը «Սպայկա» ընկերության տնօրենի մասին է, որին իշխանությունները մեղադրում էին 7 միլիարդ դրամի չափով հարկերից խուսափելու մեջ: «Այնուհետեւ այս ընկերության տնօրենը տուգանվեց 14 միլիարդ դրամով, եւ նա նրանց ցուցակում էր: Իսկ ում գրպանն են գնացել այդ գումարները, անհայտ է: Ընդ որում, իշխանությունները նախկինում այս ընկերությունը վերագրում էին ինձ»,- ավելացրեց Քոչարյանը:

Երկրորդ նախագահը հիշեցրեց, որ իշխանությունները, լինելով ընդդիմություն, խաղաղություն էին խոստանում, բայց մեծ կորուստներով պատերազմ ստացան: «Նրանք տնտեսական բում էին խոստանում, բայց նունեցան անկում, կոռուպցիայի մակարդակի բարձրացում եւ ոչ մի կոռումպացված պաշտոնյա, ինչպես ասացին, չպատժվեց: Ընդ որում, իշխանությունները կարծում են, որ իրենք ոչնչում մեղավոր չեն», - շեշտեց նա:

Նախկին նախագահը նշեց, որ երեք տարվա ընթացքում իշխանություններն Ազգային անվտանգության ծառայության հինգ տնօրի, Զինված ուժերի գլխավոր շտաբի չորս պետի են փոխել, եւ դա մի երկրում է, որտեղ կան անվտանգության լուրջ սպառնալիքներ: «Նրանք հասցրեցին նրան, որ Հայաստանի արտաքին գործերի նախարարությունը չի գործում: Տնտեսական բլոկում կա 13 փոխնախարար եւ երկու էկոնոմիկայի նախարար: Դա նշանակում է, որ ծրագիր չկա: Այս իշխանությունների համար պատիժը կլինի նրանց դեմ քվեարկությունը: Քվեարկել ներկայիս իշխանությունների օգտին նշանակում է խրախուսել նրանց գործողությունները եւ կիսել պատասխանատվությունը զոհերի, վիրավորների, պատերազմի արդյունքում անհայտ կորած գերիների համար»,- եզրափակեց նա: