ՀՀ վարչապետի պարտականությունները կատարող Տիգրան Ավինյանի որոշմամբ ԲՏԱ փոխնախարար Դավիթ Սահակյանը գործուղվում է Բելառուս:

Որոշման մեջ ասվում է.

« Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը՝

1. Հայաստանի Հանրապետության բարձր տեխնոլոգիական արդյունաբերության նախարարի տեղակալ Դավիթ Սահակյանին 2021 թվականի հունիսի

22-24-ը գործուղել Բելառուսի Հանրապետություն (Մինսկ)՝ «MILEX-2021» սպառազինության և ռազմական տեխնիկայի 10-րդ միջազգային ցուցահանդեսին մասնակցելու նպատակով:

2. Դավիթ Սահակյանի` Բելառուսի Հանրապետություն (Մինսկ) գործուղման ծախսերը կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության բարձր տեխնոլոգիական արդյունաբերության նախարարի պաշտոնակատարին` ապահովել գործուղումից վերադառնալուց հետո եռօրյա ժամկետում Դավիթ Սահակյանի` Բելառուսի Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը: