Թեթեւ զբոսաշրջային ինքնաթիռը վթարի է ենթարկվել Ֆրանսիայի «Սավոյա» դեպարտամենտում եւ պայթել է: Դրա հետեւանքով օդանավի վրա գտնվող երկու մարդ է զոհվել, ասվում է պրեֆեկտուրայի հայտարարության մեջ: Այս մասին հայտնում է «ՌԻԱ Նովոստին»:
«Անսիից թռիչք կատարող ինքնաթիռում գտնվող երկու մարդ է զոհվել ընկնելուն հաջորդած պայթյունի հետեւանքով», - ասվում է Սավոյայի պրեֆեկտուրայի Twitter- ում տեղադրված հայտարարության մեջ:
Դեպքի վայր են մեկնել ժանդարմերիայի օդային տրանսպորտի հարցերով քննիչները, որոնք պետք է պարզեն կործանման հանգամանքները: Պրեֆեյտ Պասկալ Բոլաուն իր ցավակցությունն է հայտնել զոհվածների ընտանիքներին: