Արդեն աբսուրդային իրավիճակ է ստեղծվում Պրոֆեսոր Չարչյանի դեպքով: Այս մասին իր ֆեյսբուքյան էջումգրել է նախօրեին ձերբակալված պրոֆեսոր Արմեն Չարչյանի փաստաբան Արամ Վարդեւանյանը:
«Հարգելի գործընկերներ,
Արդեն աբսուրդային իրավիճակ է ստեղծվում Պրոֆեսոր Չարչյանի դեպքով: Դատարանից չկա ոչ մի տեղեկություն, այն դեպքում երբ մեր բողոքը քննվում ու լուծվում է ԱՆՀԱՊԱՂ: Դադարեցրեք այս խայտառակությունը: Րոպե շուտ պետք է ապօրինի ձերբակալումը վերացվի»,- գրել է նա:
Նշենք, որ փաստաբանները նախապես հայտնել էին, որ որոշումը հրապարակվելու է 20:00-ին, հետո էլ անորոշ ժամանակո հետաձգվել էր որոշման հրապարակումը:
Փաստաբանները Չարչյանի ձերբակալման դեմ բողոք էին ներկայացրել եւ ձերբակալումը համարում են ապօրինի, քաղաքական հետապնդում: