Մենք հիմա Ալիևի դեմ ենք քվեարկում։ Այս մասին այսօր՝ հունիսի 20-ին, ընտրություններին մասնակցելուց հետո՝ լրագրողների հետ զրույցում, նշեց «Ազատություն» կուսակցության նախագահ, նախկին վարչապետ Հրանտ Բագրատյանը։
«Ես քվեարկեցի հանուն փոփոխության։ Արդարությունը պետք է պոկենք, մենք հայրենիք ենք կորցնում, մեր հայրենիքը պետք է փրկենք։ Սա առաջնագիծ է։ Ես պատերազմ տեսել եմ, առաջինում հաղթեցինք, երկրորդին չթողեցին մասնակցել, երրորդում նորից կհաղթենք»,- ասաց Հրանտ Բագրատյանը։