Տեւական հիվանդությունից հետո հունիսի 28-ի առավոտյան լեգենդար հայ երգիչ Փոլ Բաղդադլյանը մահացել է Գլենդեյլի հիվանդանոցում, հաղորդում է «Asbarez»-ը:

Բաղդադլյանը ծնվել է Հալեպում 1953թ.: Նա իր կարիերան սկսել է Մերձավոր Արեւելքում 1970-ական թվականներին:

Նա գրել եւ կատարել է հարյուրավոր հիթեր, հիմնականում սիրային բալլադներ, որոնք հայտնի են ողջ աշխարհի հայերին:

Իր հարցազրույցներից մեկում նա խոստովանել էր, որ իր կյանքի ամենաերջանիկ պահերից մեկն այն էր, երբ իր համերգներից մեկի ժամանակ հանդիպել, ապա ամուսնացել էին երկու հայեր: