Ադրբեջանի նախագահ Իլհամ Ալիեւը օրենք է հաստատել, որով օկուպացված հայկական Շուշին քաղաքը հայտարարում է Ադրբեջանի մշակութային մայրաքաղաք:
Ըստ ադրբեջանական լրատվամիջոցների՝ օրենքի համաձայն, քաղաքի վարչական տարածքում պետական արգելոց է ստեղծվում: Փաստաթուղթը սահմանում է նաեւ քաղաքի զարգացման պետական քաղաքականության հիմնական ուղղությունները:
Ադրբեջանի նախարարների կաբինետին հանձնարարվել է որոշել եւ հաստատել Շուշիի պետական արգելոցի անվտանգության գոտու սահմանները, որոշել անվտանգության գոտու անվտանգության ռեժիմը եւ երեք ամսվա ընթացքում հաստատել քաղաքի հուշարձանների մոնիտորինգի կարգը: Նախարարների կաբինետը պետք է նաեւ երեք ամսվա ընթացքում հաստատի ձեռնարկատիրական գործունեության արգելված տեսակների ցանկը, ինչպես նաեւ առաջարկներ նախապատրաստի եւ ներկայացնի պետության ղեկավարին արգելոցի ֆինանսավորման աղբյուրների վերաբերյալ: