Հայաստանում արտահերթ ընտրությունների արդյունքները կասկածներ են առաջացնում: Այս մասին այսօր՝ հունիսի 24-ին, Սոչի-Երեւան տեսակամրջի ժամանակ ասաց ՌԴ Պետդումայի միգրացիայի և քաղաքացիության հարցերով հատուկ ներկայացուցիչ, ԱՊՀ երկրների ինստիտուտի ղեկավար Կոնստանտին Զատուլինը:
Կանխատեսումները, նրա խոսքով, վերջին օրերին տարբեր են եղել:
«Վերջին շրջանում բավական հաճախ հղում են անում Գելլափի կանխատեսումներին, որը մի քանի կետով առավելություն էր տվել ՀՀ երկրորդ նախագահ Ռոբերտ Քոչարյանին եւ նրա թիմին»,-ասաց ռուս քաղաքական գործիչը:
Նա հավելեց, որ դա մի շարք կասկածներ է առաջացնում: