Վանաձորի քաղաքապետ Մամիկոն Ասլանյանը կրկին կառաջադրվի Վանաձորի քաղաքապետի պաշտոնում: Այս մասին NEWS. am-ին հայտնեց Մամիկոն Ասլանյանը` նշելով, որ դեռ կան գործեր, որոնք ինքը պետք է շարունակի:
«Ճիշտն ասած, եթե որոշակի վստահություն չունենայի եւ չտեսնեի, որ շարունակականությունը պետք է իմ թիմակիցների, չէի առաջադրվի, իսկ շանսերը ընտրությունների միջոցով ժողովուրդը կասի, բայց բնականաբար առաջադրվելուց լուրջ հայտ ենք ներկայացնելու, ոչ թե մասնակցության, այլ ընտրությունները բարեհաջող ավարտելու»,- ասաց նա:
Մամիկոն Ասլանյանը ՀՀԿ-ական է, սակայն նշեց, որ դեռ մասնակցության ֆորմատը չեն ընտրել, սակայն այնպիսի ֆորմատ կընտրեն, որպեսզի ժողովրդի համար հասկանալի լինի:
Մամիկոն Ասլանյանը նշեց, որ իրենց ծրագրային դրույթներում տեղ կգտնեն մի շարք գլոբալ խնդիրներ, որոնք պետք է լուծեն:
«Նախ պիտի կարողանանք տնակային ավաններից ազատվենք Վանաձորից, այսինքն պետք է տնակներում բնակվողներիբ բնկարաաններով ապահովենք եւ ազատվենք տնակային ավաններից: Քաղաքի բնակֆոնդի նորացման, վերանորոգման կարիք կա, տրանսպորտի վերագործարկման կարիք կա, չհաշված ընթացիկ խնդիրները, որոնք մենք ընթացքում լուծում ենք»,-ասաց նա:
Նշենք, որ աշնանը սպասվում են ՏԻՄ ընտրություններ ՀՀ մի շարք քաղաքներում եւ գյուղերում: