Կոտայքի մարզում այսօր՝ հուլիսի 26-ին, ավտովթար  է տեղի ունեցել։

Ժամը 22:40-ի սահմանում,  Volkswagen  Golf մակնիշի ավտոմեքենան Հրազդան-Հանքավան ավտոճանապարհի 2-րդ կմ հատվածում դեռեւս անհայտ հանգամանքներում դուրս է եկել ճանապարհի երթեւեկելի  գոտուց, բախվել քարերին, մի քանի ծառերի եւ հայտնվել ձորում: Այս մասին հաղորդում է SHAMSHYAN.com-ը։

Վթարի հետեւանքով 5 հոգի տեղում առաջին բուժօգնություն ստանալուց հետո տեղափոխվել են «Հրազդան» բժշկական կենտրոն:

Ոստիկանությունը պարզում է վարորդի եւ վիրավորների ինքնությունը:

Կայքի տեղեկություններով՝ հիվանդանոց տեղափոխվածները  ընտանիքի անդամներ են՝ հայրը, մայրը եւ  3 անչափահաս երեխաները: