Ներկա պահին ոչ մի կոնկրետ օր, թե երբ Հայաստան կգա Ֆրանսիայի նախագահ Էմանուել Մակրոնը, չկա։ Այս մասին հուլիսի 28-ի մամուլի ասուլիսում ասել է Հայաստանում Ֆրանսիայի Արտակարգ եւ լիազոր դեսպան Ջոնաթան Լաքոթը՝ մեկնաբանելով Ֆրանսիայի նախագահի հնարավոր այցը եւ երկկողմ ինչ-որ փաստաթղթերի հնարավոր ստորագրումը։
Իսկ ընդհանուր առմամբ, դեսպանի խոսքով՝ նախագահ Մակրոնը կայցելի միայն այն ժամանակ, երբ իսկապես օգտակար լինի տարածաշրջանում ընթացող քաղաքական գործընթացների աջակցմանը։ «Այն պահին, երբ կարողանանք հստակ տեսնել, թե հատկապես ինչ փաստաթուղթ կարող է ստորագրվել Հայաստանի եւ Ֆրանսիայի միջեւ»,- ընդգծել է դիվանագետը։