Իրանի հետ միջուկային բանակցությունները «չեն կարող անվերջ շարունակվել», բայց Վաշինգտոնը «լիովին պատրաստ է» բանակցությունները շարունակելուն: Այս մասին հայտարարել է ԱՄՆ պետքարտուղար Էնթոնի Բլինքենը, փոխանցում է AFP- ն:
Միացյալ Նահանգներն անուղղակիորեն ներգրավված են միջուկային գործարքի երկարաձգման վերաբերյալ աշխարհի տերությունների հետ Իրանի բանակցություններում: Համաձայնագիրը խափանվեց 2018-ին ԱՄՆ այն ժամանակվա նախագահ Դոնալդ Թրամփի կողմից, որը միակողմանիորեն հրաժարվեց պայմանագրից եւ պատժամիջոցներ կիրառեց Իրանի դեմ:
«Մենք հավատարիմ ենք դիվանագիտության, բայց այս գործընթացը չի կարող անվերջ շարունակվել ... մենք տեսնում ենք, թե ինչի է պատրաստ Իրանը, եւ պատրաստ ենք վերադառնալ Վիեննա՝ բանակցությունները շարունակելու համար»,- ասել է Բլինքենը Քուվեյթ կատարած այցի ընթացքում: