Թուրքիայում ձերբակալվել են Մանավգատ քաղաքում անտառների հրկիզման մեջ կասկածյալներին, հաղորդում է Anadolu-ն՝ հղում անելով երկրի ԱԳՆ ղեկավար Մեւլյութ Չավուշօղլուին:
Իրավապահները հայտարարել են, որ ենթադրյալ մեղավորներից մեկին նկատել են կրակ վառելու ժամանակ: Քաղաքացիները պահանջել են կասկածյալին հանձնել ինքնադատաստանի համար:
Այդ պահանջներից հետո Չավուշօղլուն ստիպված է եղել դեպքի վայր մեկնել:
Նա ասել է, որ բոլոր մեղավորները պատասխանատվության կենթարկվեն:
Վերջին տվյալներով՝ հրդեհների հետեւանքով տուժել է 180 մարդ, երեք մարդ զոհվել է: