Պարզ է, որ Թուրքիան օգտագործում է բոլոր գործիքները տարածաշրջանի ապակայունացման համար: Այս մասին հայտարարել է Հունաստանի ԱԳՆ ղեկավար Նիկոս Դենդիասը Լիբանանի պաշտպանության նախարարի եւ փոխվարչապետի հետ հանդիպման ժամանակ, հաղորդում է Kathimerini-ն:
«Պետք չէ ոչ ոքի հիշեցնել, որ Ֆամագուստան գտնվում է Լիբանանից ոչ հեռու»,-ասել է նա՝ նկատի ունենալով Վարոշայի բացման ծրագրերը: Նրա խոսքով՝ Հունաստանը հակազդում է Թուրքիայի այդ ջանքերին՝ միջազգային իրավունքին եւ բարիդրացիական հարաբերություններին համապատասխան:
Դենդիասը նշել է, որ Հունաստանը շարունակում է աջակցել Լիբանանին: