Հնդկաստանը եւ Չինաստանը կշարունակեն երկխոսությունը, որն ուղղված կլինի վիճելի սահմանին լարվածության թուլացմանը, առավել լայնամասշտաբ հակամարտության կապակցությամբ հայտարարել են երկու երկրները, հայտնում է Reuters-ը։
Ըստ հնդիկ եւ չինացի զինվորականների համատեղ հայտարարության՝ կողմերը անցկացրել են «մտքերի անկեղծ եւ մանրակրկիտ փոխանակում»՝ պայմանավորվելով «որքան հնարավոր է շուտ» լուծել իրենց տարաձայնությունները: «Երկու կողմերը նաեւ պայմանավորվել են, որ կշարունակեն իրենց արդյունավետ ջանքերը կայունության ապահովման եւ համատեղ խաղաղության ու հանգստության պահպանման ուղղությամբ»,- ասված է հայտարարության մեջ:
Երկու բանակների բանակցությունների տասներկուերորդ փուլը եւ երեք ամսվա ընթացքում առաջին հանդիպումը երկու երկրների միջեւ ավելի լայն հակամարտության վախերը փարատելու վերջին փորձն է:
2020-ի ապրիլից հազարավոր զինվորներ բախվել են Փաստացի վերահսկողության գծի կամ դե ֆակտո սահմանի երկայնքով (ներառյալ Պանգոնգ լճի ափը) մարտում:
Եւ հնդիկ, եւ չինացի զինվորներ են զոհվել անցած հունիսին տեղի ունեցած բախման ընթացքում, նրանք վիճելի սահմանին ավելի քան չորս տասնամյակում մարտական առաջին զոհերն են: