Ավստրալիայից մի խումբ հետազոտողներ Հնդկական օվկիանոսում հայտնաբերել են հնագույն ստորջրյա հրաբխի մնացորդներ, որը հիշեցնում է «Սաուրոնի աչքը»՝ Ջ. Թոլքինի «Մատանիների տիրակալը» եռագրությունից:
Ինչպես նկարագրված է «Մատանու եղբայրության» մեջ, «Սաուրոնի աչքը» «առանց գագաթի» է եղել եւ «բոցով պատված», իսկ Վիկտորիայի թանգարանների գլխավոր գիտնական եւ ավագ համադրող Թիմ Օ'Հարի կողմից տրամադրված սոնարային պատկերները ցույց են տալիս ծանոթ ուրվագծերը:
Օ'Հարան հայտնել է, որ հրաբուխը հայտնաբերվել է բազմաճառագայթ սոնարի միջոցով` Ավստրալիական գիտական եւ արդյունաբերական հետազոտությունների (CSIRO) RV Investigator օվկիանոսային հետազոտական նավից 3100 մետր խորությամբ:
Զանգվածային հրաբխի ժայթքումից հետո ձեւավորվում է կալդերա, երբ հրաբխի ներսում ճնշումը նվազում է, եւ ալիքների եւ մակերեսային ջրամբարների խիտ համակարգը այլեւս չեն կարող դիմանալ դրա վերեւում գտնվող լեռան քաշին, եւ հրաբուխը փլուզվում է:
Բացի ստորջրյա հրաբխից, հետագա 3D քարտեզագրման արդյունքում ծովի հատակին հայտնաբերվել է եւս երկու կառույց:
Թոլքինի ֆանտաստիկ ավանդազրույցների պատվին են անվանվել նաեւ Հարթ գագաթով ստորջրյա լեռը եւ հրաբխային կոներով ծածկված ծովային լեռը, որոնք կոչվել են Բարադ-դուր եւ Էրեդ Լիտուի։ Երկուսն էլ գտնվում են «Սաուրոնի աչքի» մոտ՝ Մորդորի դժոխային անապատում: