Թուրքիայի ԱԳՆ-ն ԱՄՆ-ին մեղադրել է «անպատասխանատվության» մեջ այն բանից հետո, երբ ԱՄՆ նախագահ Ջո Բայդենի վարչակազմը հայտարարել է Աֆղանստանի քաղաքացիներին օգնություն տրամադրելու հարցով ջանքերի ընդլայնման մասին:

Թուրքիայի ԱԳՆ պաշտոնական ներկայացուցիչ Տանժու Բիլգիչը հայտարարել է, որ ԱՄՆ հայտարարության մեջ Թուրքիան առաջարկվել է որպես հայտ ներկայացնելու վայր առանց Անկարայի հետ խորհրդակցության: Նա նշել է, որ Թուրքիան ի վիճակի չէ  հաղթահարել հերթական միգրացիոն ճգնաժամը:

«ԱՄՆ-ն կարող է տեղափոխել այդ մարդկանց ուղիղ չվերթով: Թուրքիան չի ստանձնի երրորդ երկրների պարտավորությունը: Թուրքիան այլ երկրների թույլ չի տալ խախտել իր օրենքները»,-ասել է նա: