Հայիթիի Սենատի անդամները հետաձգել են խորհրդարանի վերին պալատի նախագահ Ժոզեֆ Լամբերտին հանրապետության ժամանակավոր նախագահ հայտարարելը, հայտնում է AFP-ն:
Արարողությունը նախատեսված էր երեքշաբթի երեկոյան, սակայն Սենատի շենքի մոտ հրազենի կիրառմամբ անկարգությունների պատճառով նիստը հետաձգվել է: Սենատն արդեն հուլիսին Լամբերտին հռչակել էր ժամանակավոր նախագահ, սակայն նրա երդմնակալությունը չկայացավ: Ավելի ուշ Հայիթիի քաղաքական շրջանակները հրաժարվեցին մինչեւ նախագահական ընտրություններ պետության ժամանակավոր ղեկավար նշանակելու գաղափարից:
Հայիթիում խորացող քաղաքական ճգնաժամի ֆոնին կառավարությունը նախատեսում է Լամբերտին պետության ժամանակավոր ղեկավար հայտարարել:
Նախօրեին դատախազությունը պահանջել էր վարչապետ Արիել Անրիին մեղադրյալի կարգավիճակ տալ՝ հանրապետության նախագահ Ժովենել Մոիզի սպանության կազմակերպման գործով: Նրան նաեւ արգելել են լքել Կարիբյան ծովի երկրի տարածքը: Ավելի ուշ Անրին պաշտոնից ազատել էր դատախազին, ով նրան կասկածում էր սպանությանը մասնակցության մեջ: