Ավստրալիայի հետ սուզանավերի վերաբերյալ գործարքին ԱՄՆ-ի մոտեցումը ցույց է տալիս, որ Վաշինգտոնի նոր վարչակազմը շարունակում է հետեւել «Ամերիկան առաջին հերթին» սկզբունքին, հայտարարել է Ֆրանսիայի ԱԳՆ-ին կից Եվրոպայի գործերով պետքարտուղար Կլեման Բոնը: Այս մասին հայտնում է The Week-ը:
«Վաշինգտոնը պաշտպանում է իր շահերը: Այս գործարքը ցույց է տալիս, որ «Ամերիկան ամենից առաջ» սկզբունքն ուժի մեջ է մնում»,- ասել է նա:
«ԱՄՆ-ը գործում է տհաճ ձեւով, ոչ որպես գործընկեր, բայց մենք չենք սպասի, թե երբ Վաշինգտոնը կփոխի իր կուրսը: Մեր կողմից մենք պետք է գործենք եվրոպացիների նման»,- ասել է պետքարտուղարը: «Մենք պետք է ամրապնդենք ռազմավարական ինքնավարության մեր կարողությունները»,- ասել է նա:
Անվտանգության ոլորտում նոր գործընկերության՝ AUKUS-ի ստեղծման պատճառով, Կանբերան խզել է իր պատմության մեջ ամենամեծ պաշտպանական պայմանագիրը Փարիզի հետ, որտեղ այս որոշումն արդեն իսկ անվանել են հարված թիկունքին: