Անկախությունն առանց զոհողությունների, առանց զոհաբերությունների, հայրենիքի համար տրված կյանքերի չի լինում: Այս մասին, այսօր՝ սեպտեմբերի 21-ին, «Եռաբլուր» զինվորական պանթեոնում լրագրողների հետ զրույցում ասաց «Հայաստան» խմբակցության պատգամավոր Աղվան Վարդանյանը։
«Այս իրավիճակում, երբ այս իշխանության ապիկար կամ ծրագրած քաղաքականության պատճառով մեր անկախությունը բավական զիջել ենք, մեր ինքիշխանությունը նվազեցրել ենք, ողբերգական կորուստներ ենք ունեցել, կարծում եմ՝ անկախությունը նշելու միակ տեղն այս բարձունքն է՝ Եռաբլուրը, որպեսզի հարգենք այն մարդկանց հիշատակը, ովքեր անկախ հայրենիք են ստեղծել»,-ասաց Աղվան Վարդանյանը։