ՀՀ պաշտպանության նախարար Արշակ Կարապետյանի գլխավորությամբ այսօր՝ սեպտեմբերի 22–ին, անցկացվել է զինված ուժերում ձմռան նախապատրաստական աշխատանքներին նվիրված հավաք-խորհրդակցություն։
Ինչպես NEWS.am-ը տեղեկանում է նախարարության կայքից, ՊՆ եւ ԶՈՒ ԳՇ ղեկավար կազմի մասնակցությամբ անցկացված խորհրդակցությանը, տեսակապի միջոցով, մասնակցել եւ քննարկվող թեմայի վերաբերյալ զեկույցներով են հանդես եկել բանակային զորամիավորումների հրամանատարները։
Պաշտպանության նախարարը հրահանգել է հետեւողական լինել կատարվող աշխատանքների հարցում եւ ձեռնարկել անհրաժեշտ բոլոր միջոցները` ձմռան ընթացքում պատշաճ ծառայության կազմակերպման համար:
Արշակ Կարապետյանը նաեւ հանձնարարել է առանձնահատուկ ուշադրություն դարձնել զինված ուժերում բջջային կապից օգտվելու համապատասխան հրամանի պահանջների կատարմանը։