Կան ուսուցիչներ, ովքեր ամսական ստանում են 80 հազար դրամից պակաս (մոտ 165դոլար), կան ուսուցիչներ, ովքեր ավելի շատ են ստանում: Այս մասին սեպտեմբերի 24-ին լրագրողների հետ զրույցում ասաց ՀՀ կրթության, գիտության, մշակույթի եւ սպորտի նախարար Վահրամ Դումանյանը:
Նրա խոսքով՝ դա կախված է աշխատանքի ծավալից:
Նա ցավով նշեց, որ ուսուցիչների աշխատավարձերն այն մակարդակին չեն, որ նրանք իրենց բավարարված զգան:
«Մեկ տարում ուսուցիչը կարող է ավելի քիչ աշխատավարձ ստանալ, քան լրագրողը՝ մի նյութի համար»,- հավելեց Դումանյանը: