Վրաստանի վարչապետ Իրակլի Ղարիբաշվիլին անվանել է Ռուսաստանի հետ սահմանների սահմանազատման պայմանը։ Նա նշել է, որ դա հնարավոր է միայն միասնական Վրաստանի պայմանի դեպքում։
«Մեր պետությունը պետք է ավարտի Ռուսաստանի հետ սահմանների սահմանազատման եւ սահմանագծման գործընթացը, բայց դա, իհարկե, տեղի կունենա միայն միասնական Վրաստանի սահմաններում»,-ասել է Ղարիբաշվիլին։
Ռուսաստանի եւ Վրաստանի միջեւ դիվանագիտական հարաբերությւոններ չկան։ Դրանք խզվել էին վրացական կողմից այն բանից հետո, երբ 2008 թվականի օգոստոսի 26-ին Մոսկվան ճանաչեց Աբխազիայի եւ Հարավային Օսիայի ինքնիշխանությունը։ Երկու երկրների միջեւ երկխոսությունը պահպանվում է Պրահայի հատուկ բանագնացների եւ Ժնեւի բանակցությունների ձեւաչափով: