Բելառուսի նախագահ Ալեքսանդր Լուկաշենկոն հայտարարել է, որ հանրապետությունում դիվերսիաներ են նախապատրաստվում պաշտպանական եւ տնտեսական օբյեկտներում:
«Արտասահմանյան հատուկ ծառայությունները եւ նրանց հանցակիցներն ուսումնասիրում են իրավիճակն աշխատանքային կոլեկտիվներում՝ փորձելով գործադուլներ հրահրել»,- ասել է նա երկուշաբթի օրը՝ կադրային հարցերը դիտարկելիս: Նախագահի խոսքով, ում մեջբերում է BelTA գործակալությունը, դիվերսիոն գործողություններ են նախատեսվում «պաշտպանական համալիրի, տնտեսության եւ կենսապահովման օբյեկտներում»:
«Արտասահմանյան հատուկ ծառայությունները եւ նրանց հանցակիցներն ուսումնասիրում են իրավիճակն աշխատանքային կոլեկտիվներում՝ փորձելով գործադուլներ հրահրել», - ասաց նա երկուշաբթի օրը ՝ կադրային հարցերը դիտարկելիս: Նախագահի խոսքով, ում մեջբերում է BelTA գործակալությունը, դիվերսիոն գործողություններ են նախատեսվում «պաշտպանական համալիրի, տնտեսության եւ կենսապահովման օբյեկտներում»:
Հանրապետության նախագահը Պետական անվտանգության կոմիտեից (ՊԱԿ) պահանջել է բարձրացնել իր աշխատանքի արդյունավետությունը եւ մեծացնել գործակալական հետախուզության ներուժը:
«Կոմիտեի աշխատանքում լուրջ ռեզերվ է դրսի հետախուզության արդյունավետության բարձրացումը: Այն պետք է ստորաբաժանման վերածվի, որն ունակ է լուծել ռազմավարական խնդիրներ, մեծացնել հարձակողականությունը, զարգացնել գործակալական հետախուզության ներուժը եւ ձեր իմացած այլ մեթոդներն ու ձեւերը»,- ասել է Լուկաշենկոն: Նա նշել է, որ գերակա խնդիրներ են մնում «պետական մարմինների եւ ձեռնարկությունների գաղտնի տեղեկատվության նկատմամբ օտարերկրյա հատուկ ծառայությունների ձգտումների բացահայտումն ու ճնշումը»: