Աֆղանական Learn Afghanistan բարեգործական կազմակերպությունը երկրում բացել է գաղտնի առցանց դպրոց 12 տարեկանից բարձր աղջիկների համար, որոնց թալիբներն արգելում են սովորել, հաղորդում է Times թերթը:
«Մենք կրթում ենք 100 աղջիկ, որոնք կդառնան Աֆղանստանի ապագան: Պլանշետների միջոցով նրանք սովորում են միասին եւ ստանում տնային հանձնարարություններ շաբաթվա ընթացքում»,-պատմել է կազմակերպության ղեկավար Փաշթան Դուրանին:
Աղջիկներին դասավանդում են կին ուսուցիչները: Ուսուցանվում են այնպիսի առարկաներ, ինչպես գիտությունը, տեխնոլոգիան, ինժեներական գործն ու մաթեմատիկան, ծրագրավորումն ու վեբ կայքերի ստեղծումը, ինչպես նաեւ աֆղան աղջիկներին սովորեցնում են ինքնուրույն փնտրել հավելյալ տեղեկատվություն: Դպրոցի մանրամասները կազմակերպությունը չի հրապարակում իր աշակերտուհիներին պաշտպանելու համար:
Times-ի տվյալներով՝ Learn Afghanistan-ը նաեւ մեկնարկել է հղի կանանց ու երիտասարդ մայրերին աջակցության ծրագիր, որի շրջանակում նրանք անվճար բուժօգնություն են ստանում: