82 տարեկան հասակում մահացել է Forbes-ի ցուցակի ռուսաստանցի եւ ամերիկացի գործարար, IPG Photonics ընկերության համասեփականատեր Վալենտին Գապոնցեւը։ Այս մասին շաբաթ օրը հայտնել է ՏԱՍՍ-ը՝ հղում անելով Forbes-ին։

Մահվան լուրը հաստատել է գործարարի որդին՝ Դենիս Գապոնցեւը:

Մահվանից առաջ վերջին մի քանի տարին Գապոնցեւը պայքարում էր քաղցկեղի դեմ, սակայն այս պահին մահվան պատճառը դեռ հայտնի չէ։

Վալենտին Գապոնցեւը լազերային ֆիզիկայի եւ տեխնիկայի, մանրաթելային եւ օպտոէլեկտրոնային տեխնոլոգիաների ոլորտում առաջին գործարարներից է։ Նրա կարողությունը կազմում է 2,8 միլիարդ դոլար: