Վիետնամցի երգիչ, «Փառքի րոպե» նախագծի մասնակից Նգուեն Վան Խինգը մահացել է Մոսկվայում, ՏԱՍՍ-ին հայտնել են բժշկական ծառայությունից:
«Արբատ փողոցի բնակարանում հայտնաբերվել է երգիչ Նգուեն Վան Խինգի դին: Նա 39 տարեկան էր»,-ասել է գործակալության զրուցակիցը: Նախնական տվյալներով՝ նրա մարմնի վրա բռնության հետքեր չեն հայտնաբերվել:
Նգուեն Վան Խինգը հայտնի էր դարձել Առաջին ալիքի «Փառքի րոպե» շոուում մասնակցությունից հետո, որտեղ կարողացել էր հասնել մինչեւ կիսաեզրափակիչ փուլ: