Կամբոջայի իշխանությունները հայտարարել են պատվաստված ճանապարհորդների համար երկրի մասնակի բացման մասին, հայտնում է AFP-ն։
Կորոնավիրուսի համավարակը եւ ուղեւորությունների սահմանափակումները կանգնեցրել են Կամբոջայի զարգացող զբոսաշրջության արդյունաբերությունը՝ եկամուտը անցյալ տարի նվազել է մինչեւ 1 միլիարդ դոլար՝ 2019 թվականի գրեթե 5 միլիարդ դոլարից, երբ երկիր էր այցելել 6,6 միլիոն մարդ:
Կամբոջայի զբոսաշրջության նախարարությունը նոյեմբերի 30-ին հայտարարել է Սիհանուկվիլի եւ Կոհ Ռոնգ կղզու, ինչպես նաեւ Դարա Սակոր հանգստավայրի հայտնի լողափերի բացման մասին:
Հյուսիսային Սիեմռեապ քաղաքը՝ համաշխարհային ժառանգության ցանկում ընդգրկված Անգկոր Վատ համալիրի դարպասը, հունվարին կավելացվի թագավորության հյուրանոցներում առանց կարանտինի ճանապարհորդության ծրագրում:
Օտարերկրյա ճանապարհորդներին անհրաժեշտ կլինեն նրանց երկու պատվաստումները հաստատող վկայականներ, բժշկական ապահովագրություն, որը ծածկում է Covid-19-ի բուժումը եւ նախքան մեկնելը ու երկիր ժամանելուն պես արված թեստի բացասական արդյունք:
Զբոսաշրջիկները առնվազն հինգ օր պետք է մնան կարանտինային հյուրանոցներում եւ լրացուցիչ թեստ անցնեն՝ նախքան նրանց կթույլատրվի ուսումնասիրել Կամբոջայի այլ մասերը: