Երեւանի քաղաքապետարանի՝ ձմեռային սեզոնի նախապատրաստական աշխատանքները սկսվել են։ Այս մասին հոկտեմբերի 26-ին հայտնել է Երեւանի քաղաքապետի խորհրդական Կամո Արեյանը։
Նրա խոսքով՝ գնվել է բերվել բավարար քանակությամբ ավազ եւ աղ։
«Երեկ սկսվել է տրանսպորտային միջոցների վերապրոֆիլավորումը։ Կգնվի 8 նոր հատուկ մեքենա, որոնք քաղաքում կլինեն նոյեմբերի վերջին։ Ընդհանուր առմամբ, մինչեւ նոյեմբերի վերջ Երեւանը 100 տոկոսով պատրաստ կլինի ձմռանը», - նշել է նա։