Հայաստանի շահերը ներկայացնող թիմը պրոֆեսիոնալիզմի եւ բովանդակության առումով լուրջ դատական հայց է ներկայացրել ՄԱԿ-ի միջազգային դատարան՝ պահանջելով հրատապ միջոցներ ձեռնարկել Ադրբեջանի դեմ։ Այս մասին հոկտեմբերի 27-ին Հայաստանի Ազգային ժողովում կառավարության հետ հարցուպատասխանի ժամանակ ասել է Հանրապետության արտաքին գործերի նախարար Արարատ Միրզոյանը՝ պատասխանելով պատգամավորների հարցերին։
Նախարարն ընդգծել է, որ այս գործընթացն իսկապես կարեւոր է, քանի որ խոսքը դատական գործընթացի մասին է։ Այնուհանդերձ, նա չի շտապում մեկնաբանություն անել։
«Նախնական արդյունքների մասին կիմանանք միայն նոյեմբերին։ Խոսքս որոշումների մասին է՝ կիրառե՞լ հրատապ միջոցներ, թե՞ չկիրառել», - ասել է Միրզոյանը։
«Հայաստանը ներկայացնող թիմը թե՛ մասնագիտական, թե՛ բովանդակային առումով լուրջ հայց է ներկայացրել։ Եվ մենք արդեն կարող ենք արձանագրել մեկ կոնկրետ արդյունք՝ Ադրբեջանը վերջնականապես հեռացրել է մանեկեններըն ու սաղավարտները Բաքվի տխրահռչակ «ռազմավարի պուրակից»։ Ակնհայտ է, որ պուրակը հայատյացության ու այլատյացության յուրօրինակ դրսեւորում է։ Մեր հայցը օգնել է հեռացնել սկանդալային մանեկեններին»,- հայտարարել է ԱԳՆ ղեկավարը։