Հայաստանի նախագահ Արմեն Սարգսյանը կարծում է, որ Սահմանադրության փոփոխությունը բխում է երկրի շահերից։ «ՌԲԿ»-ին տված հարցազրույցում նա նշել է, որ թե՛ հետպատերազմյան շրջանում, թե՛ հիմա պետք է մտածել ու աշխատել սահմանադրության փոփոխության վրա։
«Դա չի նշանակում, որ չբալանսավորված խորհրդարանական համակարգը պետք է փոխարինել չբալանսավորված նախագահականով։ Եթե մենք խորհրդարանական համակարգ ենք ուզում, ապա այն պետք է բալանսավորված լինի։ Իշխանությունը պետք է բալանսավորված լինի. Ես կնախընտրեի վերադառնալ նախագահական համակարգին մի շատ պարզ պատճառով. Հայաստանի բնակչությունը, որն ապրում էր Ռուսական կայսրության ժամանակ՝ Խորհրդային Միությունում, մինչ այդ երեք նախագահ ուներ։ Նրա համար շատ դժվար է հասկանալ խորհրդարանական համակարգի հայեցակարգը: Բայց ամեն դեպքում, լինի դա խորհրդարանական, թե նախագահական, շատ կարեւոր գործոն է ուժերի բալանսավորվածությունը։ Երբ ես ասում եմ սահմանադրությունը փոխելու մասին, ես ոչ մի կերպ ի նկատի չունեմ ինձ։ Եթե մենք, այնուամենայնիվ, փոխենք սահմանադրությունը, այն կսկսի գործել հաջորդ նախագահի ընտրվելուց հետո։ Բայց եթե նման որոշում կայացնենք, ես պատրաստ եմ անմիջապես հրաժարական տալ, որպեսզի մարդկանց ցույց տամ, որ սա ոչ թե իմ, ոչ թե իմ իշխանության համար է, այլ որպեսզի երկրի համար ավելի հեշտ եւ լավ լինի։ Որպեսզի, երբ երկրում բարդ իրավիճակ է, պարզ լինի, թե ով է պատասխանատվության կրողը...»: