Պղնձի համաշխարհային գներն ուրբաթ առավոտյան նվազել են ԱՄՆ արժույթի փոխարժեքի աճի ֆոնին, վկայում են աճուրդների տվյալները:
Comex բորսայում պղնձի դեկտեմբերյան ֆյուչերսների գինը նվազել է 0.09 տոկոսով՝ հասնելով 4.4295 դոլարի մեկ ֆունտի դիմաց (մոտ 0.45 կիլոգրամ):

Լոնդոնի մետաղների բորսայում (LME) հինգշաբթի պղնձի մեկ տոննայի գինն աճել է 1.24 տոկոսով՝ հասնելով 9666.5 դոլարի, ալյումինի գինը` 2.25 տոկոսով` մինչեւ 2746.5 դոլար, ցինկի արժեքը` 1.11 տոկոսով` մինչեւ 3372 դոլար մեկ տոննայի դիմաց: