Կոչ եմ անում ընդդիմությանը ծանոթանալ 2016 թվականի ապրիլյան էսկալացիայի պատճառներն ու հանգամանքներն ուսումնասիրող խորհրդարանական հանձնաժողովի զեկույցին։ Այս մասին հոկտեմբերի 29-ին Ազգային ժողովում ավանդական ճեպազրույցների ժամանակ ասաց «Քաղաքացիական պայմանագիր» խմբակցության պատգամավոր, ԱԺ պաշտպանության եւ անվտանգության մշտական հանձնաժողովի նախագահ Անդրանիկ Քոչարյանը՝ մեկնաբանելով «Պատիվ ունեմ» խմբակցության պատգամավոր Տիգրան Աբրահամյանի պնդումները։
Աբրահամյանն ավելի վաղ ասել էր, որ ներկայիս իշխանության օրոք անհնար է ապահովել ղարաբաղյան 44-օրյա պատերազմի օբյեկտիվ հետաքննություն։ Իշխող մեծամասնությունը համաձայն չէ նման հայտարարության հետ։ Իշխանություններն անգամ հայտարարել են իրենց շահագրգռվածության եւ անաչառ հետաքննություն իրականացնելու պատրաստակամության մասին։