«Դավիթ Համբարձումյան» դաշինքը լրատվամիջոցներին առաջարկում է բանավեճ կազմակերպել Մասիս խոշորացված համայնքի ավագանու ընտրություններում համայնքի ղեկավարի թեկնածուների միջև:
Դաշինքի հայտարարությունում նաեւ ասվում է. «Ընդ որում կարող եք.
1.հարցերը/ թեմաները/ նախօրոք համաձայնեցնել «Քաղաքացիական պայմանագիր» կուսակցության թեկնածուի հետ,
2.«Քաղաքացիական պայմանագիր» կուսակցությունը կարող է բանավեճի գալ իրենց ցուցակի բոլոր անդամներով, իսկ «Դավիթ Համբարձումյան» դաշինքից միայն համայնքի ղեկավարի թեկնածու՝ Դավիթ Համբարձումյանը:
Հ.Գ. «Դավիթ Համբարձումյան» դաշինքի միակ պայմանն է, որ բանավեճը տեղի ունենա ուղիղ հեռարձակմամբ»:
Նշենք, որ Մասիսի գործող համայնքապետը Դավիթ Համբարձումյանն է: