Իսրայելի գործողությունները սահմանափակված չեն լինի Իրանի եւ համաշխարհային տերությունների միջեւ միջուկային նոր համաձայնագրերով: Այս մասին հայտարարել է վարչապետ Նաֆտալի Բենեթը, փոխանցում է Reuters-ը։
Նրա խոսքով՝ Իրանն «իր միջուկային ծրագրի ամենաառաջադեմ փուլում է»։
Թեեւ դրա կառավարությունն ավելի վաղ հայտարարել էր, որ բաց է նոր միջուկային համաձայնագրի համար՝ Իրանի նկատմամբ ավելի խիստ սահմանափակումներով, Բենեթը կրկնել է Իսրայելի դիրքորոշումը թշնամու դեմ գործողություններ ձեռնարկելու վերաբերյալ: «Մենք դժվար ժամանակներ ենք ապրում: Ամենայն հավանականությամբ, հակասություններ կլինեն մեր լավագույն ընկերների հետ»,- ասել է նա Ռեյխմանի համալսարանի կողմից կազմակերպված հեռուստակոնֆերանսի ժամանակ: «Ամեն դեպքում, եթե անգամ վերադարձ լինի (իրանական միջուկային) գործարքին, Իսրայելը համաձայնագրի կողմ չէ եւ գործարքով պարտավորություններ չի կրում»:
Բենեթն իր հիասթափությունն է հայտնել առ այն, ինչ նա Իսրայելի ավելի փոքր բախումներ անվանեց Իրանի պրոքսի դաշնակիցների հետ: «Իրանցիները հրթիռներով շրջապատել են Իսրայել պետությունը, քանի դեռ նրանք անվտանգ են Թեհրանում»,- ասել է նա։
Բենեթը նշել է, որ կարող են գործարկվել կիբերտեխնոլոգիաները եւ միջազգային աջակցությունը:
«Իրանը շատ ավելի խոցելի է, քան ընդունված է համարել»,- ասել է նա: