Ռուսական խոշորագույն «Աերոֆլոտ» ավիաընկերությունը պատրաստվում է QR կոդեր ներդնել կորոնավիրուսի դեմ պատվաստումների վերաբերյալ, ավարտում է ծրագրային եւ տեխնոլոգիական գործընթացները, «ՌԻԱ Նովոստի»-ին տված հարցազրույցում ասել է ավիափոխադրողի գլխավոր տնօրեն Միխայիլ Պոլուբոյարինովը։
Պատասխանելով տրանսպորտում QR կոդերի մասին նոր օրենքի ներդրման մասին հարցին՝ Պոլուբոյարինովն ասել է. «Պատրաստվում ենք: Մենք պատրաստ ենք կյանքի կոչել բոլոր որոշումները, որոնք կընդունի կառավարությունը։ Այժմ մենք աշխատում ենք ծրագրային ապահովման եւ բոլոր տեխնոլոգիական գործընթացների թարմացման վրա՝ ուղեւորների համար ընթացակարգը հնարավորինս հարմարավետ դարձնելու համար»:
Նոյեմբերի 12-ին Ռուսաստանի կառավարությունը հասարակական վայրերում եւ տրանսպորտում QR կոդերի օգտագործման մասին օրինագծեր էր ներկայացրել Պետդումա։ Փաստաթղթերից մեկը դրանք ներդնում է միջքաղաքային եւ միջազգային տրանսպորտի երկաթուղային եւ օդային տրանսպորտի մասով: Կառավարության կողմից առանձին նշանակելիք ամսաթվից սկսած՝ ուղեւորներից կպահանջվի ներկայացնել QR կոդ կամ պատվաստման կամ պատվաստման բժշկական հակացուցման կամ տարած վրակի հաստատման մասին: