Իրանի նախագահ Սեյեդ Էբրահիմ Ռայիսին կհանդիպի Թուրքմենստանի նախագահ Գուրբանգուլի Բերդիմուխամեդովի հետ Աշխաբադում Տնտեսական համագործակցության կազմակերպության 15-րդ գագաթնաժողովի շրջանակում, հաղորդում է Mehr-ը:
Իրանի նախագահ Էբրահիմ Ռայիսին եւ նրան ուղեկցող պատվիրակությունը Թեհրանից մեկնել է Աշխաբադ՝ Թուրքմենստանի մայրաքաղաք, շաբաթ Տնտեսական համագործակցության կազմակերպության առաջնորդների հանդիպմանը մասնակցելու համար, որը կկայանա Աշխաբադում կիրակի՝ նոյեմբերի 28-ին: Աշխաբադ ժամանելուն պես նախագահ Ռայիսիին պաշտոնապես կդիմավորեն թուրքմեն գործընկերները:
Իրանը, Թուրքիան, Պակիստանը, Աֆղանստանը, Թուրքմենստանը, Ղրղզստանը, Ուզբեկստանը, Ղազախստանը, Տաջիկստանն ու Ադրբեջանը Տնտեսական համագործակցության կազմակերպության անդամներն են: