Աշխաբադում կայացել է Թուրքիայի եւ Ադրբեջանի նախագահներ Ռեջեփ Թայիփ Էրդողանի ու Իլհամ Ալիեւի հանդիպումը, հաղորդում է Անադոլուն:
Բանակցություններն անցկացվել են Տնտեսական համագործակցության կազմակերպության անդամ պետությունների ղեկավարների 15-րդ գագաթնաժողովի շրջանակում:
Երկու երկրների առաջնորդները հանդիպել են «Կարակում» հյուրանոցում, հանդիպումն անցկացվել է փակ դռների հետեւում եւ տեւել 30 րոպե:
Ինչպես հաղորդում է Ալիեւի մամուլի ծառայությունը, երկու երկրների առաջնորդները եւս մեկ անգամ հաստատել են, որ երկրների միջեւ հարաբերությունները կրում են ռազմավարական գործընկերության բնույթ: Բացի այդ, Ալիեւն ու Էրդողանը փոխանակել են կարծիքներ երկկողմանի հարաբերությունների հետագա զարգացման համար, ինչպես նաեւ Հարավային Կովկասում ընթացիկ իրավիճակի եւ գործընթացների հարցերով: Նախագահները նաեւ քննարկել են էներգետիկայի ու տրանսպորտի ոլորտում համագործակցության հարցերը: