Բելառուսի նախագահ Ալեքսանդր Լուկաշենկոն հայտարարել է, որ ՆԱՏՕ-ն առանց նախազգուշացման զորքեր է տեղակայել Բելառուսի սահմանների մոտ,  եւ այդ պատճառով երկիրը հակազդման ծրագրեր կձեռնարկի, փոխանցում է Բելթա գործակալությունը։

«Նրանք մոտեցել են մեր սահմանին, ընդ որում՝ լկտիաբար, առանց որեւէ մեկին զգուշացնելու։ Չնայած պայմանագրերով նրանք պարտավոր են դա անել։ Դուք պետք է ունենաք հակազդեցության ծրագրեր, Աստված մի արասցե: Մենք չենք տեղակայում (նման հանձնարարականներ ես չեմ տվել) մեր զինված ուժերը։ Բայց մենք պետք է տեսնենք եւ  կանխատեսեք ամեն ինչ, որպեսզի սահմանին պատերազմ չունենանք, եւ դրան պատրաստ չլինենք»,-ընդգծել է Բելառուսի նախագահը։

Լուկաշենկոն մատնանշել է Կալինինգրադի շրջանի շուրջ հետախուզական ինքնաթիռների ավելի հաճախակի թռիչքները եւ հարակից տարածքներում ռազմական գործողությունները։ 

Նրա խոսքով՝ Բելառուսի շուրջ ստեղծված իրավիճակը «ընդհանուր շղթայի օղակ է»՝ Սեւ ծովի ավազանում իրավիճակի, ինչպես նաեւ Ուկրաինայի, Լեհաստանի եւ Բալթյան երկրների հետ կապված հարցերի հետ միասին։

Վերջերս Բելառուսի Անվտանգության խորհրդի պետքարտուղար Ալեքսանդր Վոլֆովիչը հայտարարել է, որ Լեհաստանը կարող է սահմանային միջադեպ ստեղծել, որը կհանգեցնի պատերազմի։