Ֆրանսիայի նախագահ Էմանուել Մակրոնը ստացել է կորոնավիրուսի դեմ պատվաստանյութի երկրորդ դեղաչափը։ Այս մասին նա հայտնել է Twitter-ում։
«Վերպատվաստումն արված է»,- գրել է Մակրոնը։ Ֆրանսիայի նախագահը նաեւ հայտարարել է, որ գրիպի դեմ պատվաստում է ստացել։ Մեկ այլ ուղերձով նա քաղաքացիներին կոչ է արել պատասխանատվություն դրսեւորել եւ գրանցվել պատվաստումների համար։

Ինչպես հիշեցնում է Le Figaro-ն, Մակրոնը կորոնավիրուսով վարակվել էր մայիսի 31-ին։ Այնուհետեւ նա ստացել էր պատվաստանյութի միայն մեկ դեղաչափ, քանի որ COVID-19 էր տարել անցյալ տարվա դեկտեմբերին։

Առողջապահության նախարարության տվյալներով՝ Ֆրանսիայում մոտ 19 միլիոն մարդ իրավունք ունի պատվաստվել խթանիչ պատվաստանյութով։ Առայժմ նման ներարկումներ արվում են աշխարհի միայն մի քանի երկրում։ ԱՀԿ ղեկավար Թեդրոս Ադհանոմ Գեբրեյեսուսը կոչ է արել կենտրոնանալ այն ուղղությամբ, որպեսզի չափահաս բնակչությունը ստանա պատվաստանյութի առնվազն առաջին դեղաչափը: