Արաբական Միացյալ Էմիրությունները եւ Ֆրանսիան խոշոր պայմանագրեր կստորագրեն նախագահ Էմանուել Մակրոնի՝ դեկտեմբերի 3-ին Դուբայ կատարելիք այցի ընթացքում։ Այս մասին հայտարարել է ԱՄԷ-ի նախագահի խորհրդական Անվար Գարգաշը, հայտնել է Reuters-ը։

«Ես չեմ ցանկանում փչացնել նախագահի սուրբծննդյան նվերը», - ասել է Գարգաշը լրագրողներին՝ պատասխանելով այն հարցին, թե արդյոք Աբու Դաբին մտադիր է գնել ֆրանսիական արտադրության Rafale կործանիչներ: «Սրանք հիանալի հարաբերություններ են, եւ կստորագրվեն տարբեր պայմանագրեր։ Նախագահի այցից հետո տարբեր ոլորտներում հարաբերությունները կընդլայնվեն»։