Ճանապարհորդները ԱՄՆ այցելելիս կբախվեն թեստավորման ավելի կոշտ կանոնների՝ նոր օմիկրոն շտամի պատճառով:

ԱՄՆ Հիվանդությունների վերահսկման եւ կանխարգելման կենտրոնը հայտարարել է, որ Միացյալ Նահանգները երկիր ժամանողներից կպահանջի ներկայացնել բացասական թեստ, որն արվել է թռիչքից մեկ օր առաջ։

Ներկայումս պատվաստված օտարերկրյա ճանապարհորդները կարող են թեստի բացասական արդյունք ներկայացնել, որն արվել է մեկնելուց առաջ երեք օրվա ընթացքում։ Մեկօրյա թեստավորման նոր պահանջը հավասարապես կկիրառվի ինչպես ԱՄՆ քաղաքացիների, այնպես էլ օտարերկրյա քաղաքացիների համար: