Լիբանանի տեղեկատվության նախարարը հայտարարել է իր հրաժարականի մասին՝ Սաուդյան Արաբիայի եւ Պարսից ծոցի այլ երկրների հետ աննախադեպ դիվանագիտական ճգնաժամը թուլացնելու նպատակով, հայտնում է AP-ը։
Նախարար Ջորջ Քորդահին այս հայտարարությունն արել է Բեյրութում կայացած մամուլի ասուլիսում մի քանի շաբաթ անց այն բանից հետո, երբ նրա մեկնաբանությունները, որոնցում նա քննադատում էր Սաուդյան Արաբիային՝ Եմենի պատերազմին մասնակցության համար, դիվանագիտական սկանդալ առաջացրեցին:
Ի պատասխան՝ Սաուդյան Արաբիան հետ է կանչել իր դեսպանին եւ արգելել լիբանանյան բոլոր ներմուծումները։
Քորդահին հարցազրույցներից մեկում ասել է, որ Եմենում պատերազմն անիմաստ է, եւ այն անվանել է Սաուդյան Արաբիայի գլխավորած կոալիցիայի ագրեսիա։